Жүргізуші кездесуді Олжас Сүлейменовтың «Ашық жатқан өлең кітабы адамзатқа ортақ күннің сөнбеуін тілеген ашық алақан секілді» деген сөздерімен ашты. 

Қостанай жерінде тамаша өлеңдер мен талантты ақындардың көп екендігі баршаға аян. Дүниежүзілік поэзия күні болып саналатын 19 наурыз күні Ә.Досов, А.Удовицкий, В. Варенцов, И.Сущенко, А.Олексюк, В Лоскутников, В. Мариков, Ю.Вовк, Ю.Бондаренко, Т.Кайгародцева, Н. Рядинская секілді қостанайлық және рудныйлық ақындар мен араларында ҚМПИ мен медициналық колледждің студенттері бар өлең сүйер қауым қонақжайда жиналды.

Олардың барлығы өлең оқу дәстүріне қолдау білдірісіп, өздерінің немесе өздерінің сүйікті ақындарының өлеңдерін оқысты. Кездесу өлең әлемінің түрлі шиырларын шарлауға мүмкіндік берді. Жыр шашу гитараның сырлы сазымен аяқталды.