4 сәуірде «Л. Н. Толстой атындағы Қостанай облыстық әмбебап ғылыми кітапханасы» КММ ҚР ІІМ Қылмыстық-атқару жүйесі комитетінің «№40 мекемесі» РММ қабырғасында Ұлы Отан соғысындағы Жеңістің 80 жылдығына арналған «Ұрпақтар жадында сақталар соғыс» көрмесіне шолу жасады.
Іс-шара барысында соғыс кезіндегі деректі шығармалар, мақалалар мен көркем әдебиеттер туралы ақпарат ұсынылды. Жиналған материалдар еліміздің және Қостанай облысының 40-шы жылдардағы өмірін, сондай-ақ жеңіске зор үлес қосқан қазақстандық жауынгерлер мен тыл еңбеккерлерінің ерлігін еске түсіруге көмектесті.
Көрмеге шолу соңында Қазақстан батырлары туралы деректі фильм көрсетілді.