4 сәуірден бастап «Л. Н. Толстой атындағы Қостанай облыстық әмбебап ғылыми кітапханасы» КММ-де канадалық жазушы Артур Хейлидің туғанына 105 жыл толуына орай «Плотная ткань реальности» атты кітап көрмесі безендірілді.
Ол «өткір сюжетті өндірістік роман» жанрындағы көптеген бестселлерлердің авторы. Жазушы әр сюжетпен шамамен бір жыл жұмыс істеді, мұның сыртында алты айға жуық түрлі толықтыру жазбалар мен жобалар жасады. Бұл оның шығармаларына шынайылық және барлық бөлшектеріне деректі дерлік дәлдік берді. Артур Хейли өз кітаптарында әлеуметтік маңызды сұрақтарды көтерді, оларға жауап табуға тырысты. Оның шығармаларының басты кейіпкерлері күтпеген жағдайларға тап болатын қарапайым адамдар болды.
Көрмеде Артур Хейлидің әр жылдары жарық көрген таңдаулы романдары, оның өмірбаяны мен шығармашылығы туралы мақалалар, соның ішінде жазушының әйелі Шила Хейлидің «Я вышла замуж за бестселлер» атты естеліктерінен үзінділер ұсынылған.