Әмбебап оқу залында Алғыс айту күніне арналған «Халықтарды біріктірген ел» атты кітап көрмесі ұйымдастырылды.
Көрмеде көп ұлтты ел халқының достығын, бірлігі мен келісімін бейнелейтін мереке құндылықтарының маңыздылығын көрсететін кітаптар ұсынылған.
Д. Қыдыралиевтің «Жерұйық», «Благодатная Земля», О. Дымовтың «Мы, народ Казахстана», «Казахстан – страна мира и согласия» шығармалары көп ұлтты халықтың мәдениетін, біздің ортақ үйіміз – Қазақстан Республикасындағы этносаралық төзімділік жайлы әңгімелейді.
Кітап көрмесі бір ай бойы жұмыс істейді. Барлық ниет білдірушілерді көрмені тамашалауға және еліміз үшін маңызды достық пен келісім құндылықтарын бейнелейтін туындылармен танысуға шақырамыз.