5 ақпанда Өнер туралы әдебиеттер бөлімінің қызметкерлері Қостанай автожол колледжінің студенттері үшін экскурсия өткізді.
Экскурсия барысында оқушылар кітапхананың жұмысымен және әр бөлімнің қызметімен танысты. Ұлы Отан соғысындағы Жеңістің 80 жылдығына арналған «Ұрпақтар жадында сақталар соғыс», Жұмысшы мамандықтар жылы аясында ұйымдастырылған «Адам еңбегімен ұлы және даңқты» кітап көрмелері, сондай-ақ «Конституция – бейбітшілік пен тұрақтылықтың негізі» көрмесі және т.б. балалардың ерекше қызығушылығын тудырды.
Сондай-ақ қызметкерлер студенттерге облыстық кітапхана қорында 400 мыңнан астам көркем, ғылыми және анықтамалық әдебиет бар екенін жеткізді. Балалар кітапханашыларға қызықты экскурсия үшін алғыстарын білдірді.