Әмбебап оқу залы Әлемдік және дәстүрлі діндер лидерлері съезінің 2023–2033 жылдарға арналған даму тұжырымдамасын ілгерілету шеңберінде негізгі әлемдік діндер: ислам, христиан, буддизм туралы баяндайтын кітаптар ұсынылған «Қазақстан – әлемнің рухани астанасы» атты кітап көрмесін дайындады.
Көрмеде келесідей кітаптар қойылған: Дербісәлі Әбсаттар қажы «Ислам және заман», Подушкин Н. П. «История мировых религий», «Буддизм: четыре благородных истины», «Библия: иллюстрированные фрагменты Священного Писания». Барлық таңдалған шығармалар діни сананың негізгі тарихи кезеңдері мен формаларын қамтиды, діннің мәні мен мазмұнын адамзат тарихы мен мәдениетінің ажырамас бөлігі ретінде көрсетеді.
Көпшілік оқырманға арналған кітап көрмесі жыл бойы жұмыс істейді.