Өлкетану әдебиеттері бөлімі кітап пен кітап оқуды ілгерілету жобасы аясында жаңа жылда «Кітап және қаламгер» атты жаңартылған кітап көрмесін ұсынды.
Қостанай жері ешқашан талантты әдебиетшілерге – ақындарға, жазушыларға, драматургтерге, журналистерге және публицистерге кенде болмаған. Олардың кейбіреуінің есімдері елімізге кеңінен танымал: Ыбырай Алтынсарин, Ахмет Байтұрсынұлы, Бейімбет Майлин, Ғафу Қайырбеков, Мәриям Хакімжанова, Омар Шипин. Алайда біздің көптеген қостанайлық әдеби қайраткерлеріміз әлі күнге дейін көлеңкеде қалып келеді. Бұл көрменің мақсаты – облыстың әдеби өмірі туралы ақпарат беру, көпшілік оқырманға жерлестеріміздің шығармашылығын таныстыру.
Көрмеде қостанайлық авторлардың шығармаларымен, ұжымдық жинақтармен және әдеби альманахтармен танысуға болады.