Бүгін, 14 қарашада жазушы және қоғам қайраткері Бейімбет Майлиннің туғанына 130 жыл толуына орай оның ескерткішіне салтанатты түрде гүл шоқтарын қою рәсімі өтті. Іс-шараға Қостанай қаласының зиялы қауым өкілдері, мәдениет саласының өкілдері, Л. Н. Толстой атындағы Қостанай облыстық әмбебап ғылыми кітапханасының қызметкерлері және жазушының ұрпақтары қатысты, олардың арасында Бейімбет Майлиннің шөбересі Ботагөз Тұрсынбекқызы болды.
Ескерткіш басында қазақ әдебиеті тарихында өшпес із қалдырған Б. Майлиннің өмірі мен шығармашылығы туралы әсерлі сөздер мен естеліктер айтылды. Салтанатты рәсімге қатысушылар халықтың ұлы перзентінің мұрасына ризашылықтарын білдіріп, ескерткішке құрметпен гүл шоқтарын қойды.
#гидқазақстанға #гидпоказахстану