11 қарашадан бастап әдеби қонақжайда оқырмандар назарына француз жазушысы, философы, тарихшысы Вольтердің (шын аты Франсуа-Мари Аруэ) туғанына 330 жыл толуына арналған «Ағарту дәуірінің адамы» атты кітап көрмесі ұсынылды.
Бұл француз жазушысы және философы замандастарына, сондай-ақ ойшылдар мен жазушылардың кейінгі ұрпақтарына үлкен әсер етті. Оның еңбектері білімді адамдардың көптеген ұрпақтары үшін үлгі тұтар және үстел үстінде жатар кітаптарға айналды.
Ақын және романшы, философ, жаратылыстану және тарихи білімді насихаттаушы, ақылгөй және публицист, әдеби сыншы және тарихшы ретінде қызмет еткен Вольтер қоғамға жан-жақты және алуан түрлі тәсілдермен әсер етті. Ол өзінен кейін көптеген мадақ өлеңдер, поэмалар, трагедиялар, романдар, повестер, күрделі трактаттар, журнал мақалаларын, сықақ шығармалар, тарихи еңбектер және т. б. қалдырды. Вольтердің бойынан ақыл-ойының кеңдігі ғана емес, сондай-ақ таңғаларлық әдеби таланты да көрініс тапты.
Көрмеде Вольтердің шығармаларымен, өмірбаянымен және оның кітаптарының жасалу тарихымен, осы бір еркін ойлы ұлы тұлғаға арналған сыни мақалалармен танысуға болады.