6 қарашада Өлкетану әдебиеттері бөлімі «Кітап-АМАНАТ» мәдени-ағарту орталығымен бірлесе отырып ақын, журналист, педагог, Қазақстан Жазушылар және Журналистер одағының мүшесі Ілияс Байтұрсынның 85 жылдығына арналған «Ахметтің ізбасары» атты әдеби кеш өткізді.
Кешке қатысқан белгілі ақындар мен жазушылар, ахметтанушылар, Ілияс Байтұрсынның туыстары оның өмірі мен шығармашылығы туралы айтып берді. Сөз сөйлеушілер жазушының А. Байтұрсынұлының өмірі мен шығармашылығын зерттеуге сіңірген еңбегіне ерекше тоқталып өтіп, оның журналистика кафедрасының ашылуына және «Жасөркен – Қостанай» республикалық журналының шығуына бастамашы болғанын атап өтті. Кеш барысында қатысушылардың назарына кітап көрмесі ұсынылды.
#гидқазақстанға #гидпоказахстану