Әмбебап оқу залы көрнекті ғалым, тарихшы, мемлекет қайраткері Мұхаммед Хайдар Дулатидің туғанына 525 жыл толуына арналған «Танымал тарихшы, талантты қолбасшы» атты кітап көрмесін дайындады.
Көрмеде М. Қ. Дулатидің өмірі мен шығармашылық жолы жайындағы әдебиеттер, оның тарихи және философиялық трактаттары ұсынылған.
Оқырмандар үшін Орта және Орталық Азияда, Үндістанда өмір сүрген халықтардың тарихы, этнографиясы, мәдениеті туралы мәліметтер келтірілген Дулатидің «Тарих-и Рашиди» еңбегі қызықты болып табылады. Мырза Хайдар шығармасынан оқырмандар орта ғасырлық қазақтардың, өзбектердің, қырғыздардың, ұйғырлардың өмірі мен тұрмысы, қоғамдық құрылымы туралы құнды материалдарды таба алады.
Оқырмандар С. Ф. Мәжитовтың «Жизнь, наследие и могила в Индии» кітабынан Мырза Хайдар Дулаттың мұрасы, қайтыс болу жағдайлары және жерленген жері туралы біледі.
Көрме бір ай бойы жұмыс істейді.
#гидқазақстанға #гидпоказахстану