30 қазанда Әмбебап оқу залы инклюзивті мәдениетті қалыптастыру жобасы аясында Қостанай облысы әкімдігінің жұмыспен қамтуды үйлестіру және әлеуметтік бағдарламалар басқармасының «Аутизмі және басқа да ақыл-ой кемістігі бар балалардың күндізгі болу орталығы» КММ оқушыларына кітапхана бойынша экскурсия өткізді.
Қонақтар сирек кітаптар мұражайымен, көзі көрмейтін және нашар көретін азаматтармен жұмыс бөлімімен, әмбебап оқу залындағы Абай бұрышымен, А. Никифоров атындағы Қостанай балалар көркемсурет мектебі оқушылары жұмыстарының көрмесімен танысты.
«Америка бұрышы» АРО-да қатысушылардың назарына жаңа білім беріп, ағылшын тілі туралы әсер қалыптастыратын тартымды безендірілген, мазмұнды балалар кітаптары, үстел ойындары, комикстер, фотоальбомдар ұсынылды.
Экскурсия балаларға көптеген жағымды эмоциялар мен қарым-қатынас қуанышын сыйлады.
#гидқазақстанға #гидпоказахстану