Абонементтер бөлімінде қазақстандық аудармашы, прозашы, публицист және әдебиеттанушы Герольд Карлович Бельгердің 90 жылдығына орай «Герольд Бельгер – жан біткеннің жанашыры» атты кітап көрмесі ашылды.
Көрмеде Бельгердің 1941 жылы жер аударылған немістердің тағдыры және Қазақстанға еркінен тыс қоныс аударған халықтарға қазақ халқының көрсеткен қолдауы мен көмегі жайындағы еңбектері қойылған. Бұл жерден оның «Разлад» және «Дом скитальца» романдарын, сондай-ақ қазақ тілі жайындағы «Казахское слово» атты толғаныстары мен эсселерін, «Плетенье чепухи» және «Завтра будет солнце» секілді күнделігі мен өмірбаяндық жазбаларын көруге болады.
Көрмеде сонымен қатар автордың қазақстандық жазушылар М. Әуезов, І. Жансүгіров, Ә. Нұрпейісов және Ә. Кекілбаевтың әдеби портреттері сипатталған «Брат среди братьев» және «Жизнь – эпопея» басылымдары ұсынылған.
#гидқазақстанға #гидпоказахстану