Өнер туралы әдебиеттер бөлімі театр және кино актері, Қазақ КСР халық әртісі Қапан Бадыровтың туғанына 120 жыл толуына арналған «Театр – менің тағдырым» атты безендірілмелі кітап көрмесін тамашалауға шақырады.
Қапан Бадыров – 200-ге жуық сахналық бейнені сомдаған, 20 фильмде ойнаған алғашқы қазақ кәсіби актерлерінің бірі. Бөлім қорында Қапан Бадыровтың «Өткендер мен өткелдер», «Театр – моя судьба» кітаптары бар, онда ол өзінің кәсіби қазақ театрын құруға қатысуы, білім алған жылдары, актерлік мансабының қиын кезеңдері туралы әңгімелейді.
Сондай-ақ көрмеде Қазақстанның театр өнерінің даму кезеңдері көрініс тапқан «Қазақстан театрлары», «Кино Казахстана», «Қазақ театрының тарихы», «Казахский академический театр драмы» кітаптары ұсынылған.
#гидқазақстанға #гидпоказахстану