13 қыркүйекте Л. Н. Толстой атындағы Қостанай облыстық әмбебап ғылыми кітапханасында Қазақ әдебиеті онкүндігі аясында «Әдебиет – өлшеусіз қазына, өрісі кең әлем» атты пікір сайыс түріндегі зияткерлік ойын өтті.
Пікірсайысқа қаланың жоғары оқу орындары мен орта оқу орындарының студенттері, оқушылар және кітапхана оқырмандары қатысты. Пікір сайыс – бұл ешкімді бейжай қалдырмайтын қызықты, жарқын, танымдық, интеллектуалды ойын. «Ахмет ұрпақтары», «Парасат» пікір сайыс клубтарының президенті Шыңғыс Жұмағалидың шеберлік сағаты пікірсайыс ойынының ерекше дағдыларын: коммуникация және ойлау дағдыларын игеруге көмектесеті.
Қызықты әдеби викториналар мен байқаулар, әдеби шығармалардың оқылуы зияткерлік ойынға көтеріңкі көңіл күй беріп, демалыстың пайдалы өтуіне жағдай жасады. Ойын жеңімпаздары мен қатысушылары естелік сыйлықтармен және демеушілердің: «Большевичка» тігін фабрикасы ЖШС, «QAZAQ BREND» ұлттық тәттілер дүкенінің сыйлықтарымен марапатталды.
#гидқазақстанға #гидпоказахстану