12 қыркүйекте Әмбебап оқу залы Қазақ әдебиеті онкүндігі аясында қазақстандық балалар жазушысы, ақын, сценарийші Бердібек Ыдырысұлы Соқпақбаевтың шығармашылығына арналған «Халқы сүйген қаламгер» әдеби кешін өткізді.
Іс-шараға қостанайлық ақын-прозашы Александра Ильинична Суслова, ақын, Қазақстан Жазушылар одағының мүшесі Абылай Мауданов, «Абай атындағы жалпы білім беретін мектеп» КММ оқушылары, А.Байтұрсынұлы атындағы ҚӨУ әскери кафедрасының студенттері, «Өрлеу» БАҰО» АҚ Қостанай облысы бойынша филиалының тыңдаушылары қатысты.
Іс-шара барысында қатысушылар жазушының өмірімен және шығармашылығымен, оның «Менің атым Қожа» повесімен егжей-тегжейлі танысты.
Әдеби кеш тақырыптық кітап көрмесімен, бейнематериалмен және осы тақырып бойынша пікірталаспен сүйемелденді.
#гидқазақстанға #гидпоказахстану