10 қыркүйекте Өнер туралы әдебиеттер бөлімінің қызметкерлері қазақ композиторлары Ақан Сері, Құрманғазы, Дина Нұрпейісова, Сүгір Әліұлы және Төлеген Момбековтың шығармашылығына арналған «Елімен бірге жасар есімдер» атты әдеби-сазды кеш өткізді.

Іс-шара барысында белгілі күйші-композиторлардың өмірі мен шығармашылығы туралы қызықты баяндамалармен қатар деректі фильмдер де көрсетілді. Қонақтардың назарына А.Байтұрсынұлы атындағы Қостанай өңірлік университетінің өнер кафедрасы студенттерінің орындауында Динаның «Бұлбұл», «Ана бұйрығы» күйлері, Құрманғазының әйгілі «Сарыарқа», «Адай», «Серпер» күйлері ұсынылды. «Встреча друзей» вокалдық тобының әншілері Лариса Сергазина мен Өтеген Кужукеев өлең оқып, Ақан серінің «Маңмаңгер» әнін орындады.

Іс-шара халық аспаптық музыкасын насихаттау және дамыту, халықтың қазақтың ұлы күйші-композиторларының шығармашылығын тануға деген қызығушылығын арттыру мақсатында өтті.

#гидқазақстанға #гидпоказахстану