8 қыркүйекте Л. Н. Толстой атындағы ҚОӘҒК ақпараттық-библиографиялық қамтамасыз ету бөлімі Қазақ әдебиеті онкүндігі аясында Қазақстан Жазушылар одағының мүшесі, экономист-маркетолог Әбутәліп Әмірдің «Көп көргеннен сұра...» кітабының тұсаукесерін өткізді.

Бұл бірегей басылым ғылымның, ауыл шаруашылығының және қоғамдық өмірдің басқа да салаларының дамуына елеулі үлес қосқан аймақтың көрнекті тұлғаларына арналған.

Автор атақты жерлестерінің қызметі туралы ақпаратты мұқият жинаған.Басылымда өмірлік бай тәжірибе жинақтаған танымал адамдардың өмірбаяндары мен олардың рухани байлық және адамгершілік құндылықтар туралы ойлары ұсынылған.

«Көп көргеннен сұра...» оқырмандарға өлкеміздің мәдениеті мен дәстүрлерін тереңірек түсінуге мүмкіндік беретін аймақтың тарихына арналған жолсілтеме секілді. Кітап оқушылар мен студенттерден бастап туған жердің тарихына қызығушылық танытатын ересектерге дейінгі көпшілік оқырманға арналған.

Іс-шараға белгілі ғалымдар С. Оспанов, А. Күзембайұлы, сондай-ақ жазушылар, еңбек ардагерлері, шығармашыл зиялы қауым өкілдері, қала мектептерінің мұғалімдері мен оқушылары қатысты. Келушілер үшін кітаптың әр кейіпкерінің жан-жақты әлеуетін ашатын кітап көрмесі ұйымдастырылды.

Іс-шараға қатысушылар автормен танысуға, сондай-ақ Қостанай облысын өркендетуге үлес қосқан және үлес қосуын жалғастырып келе жатқан жерлестеріміз туралы көбірек білуге мүмкіндік алады.

#гидқазақстанға #гидпоказахстану