«Бейбіт өмірге қадам» | Оқиғалар | Жаңалықтар | КОСТАНАЙСКАЯ ОБЛАСТНАЯ УНИВЕРСАЛЬНАЯ НАУЧНАЯ БИБЛИОТЕКА им Л.Н. ТОЛСТОГО

03.09.2024

3 қыркүйекте Көзі көрмейтін және нашар көретін азаматтармен жұмыс бөлімінің оқырмандары «Л. Н. Толстой атындағы Қостанай ОӘҒК» КММ жиналыс залында облыстың оңалтудан өтіп жатқан мүгедектерімен «Бейбіт өмірге қадам» атты дауыстап оқуларда кездесті.
Дауыстап оқулар «Невада-Семей» халықаралық антиядролық қозғалысының 35 жылдығына арналған. Осы қозғалыстың күш салуымен Қазақстанда ядролық сынақтар тоқтатылды: 1991 жылғы 29 тамызда «Семей полигонын жабу туралы» жарлық шықты. Ал 2001 жылдың қыркүйегінде «Невада-Семей» халықаралық антиядролық қозғалысы Ядролық сынақтарға жалпыға бірдей тыйым салу туралы шарт бойынша конференция делегаттарын ядролық сынақтарға толық тыйым салу талаптарын қолдауға шақырды.
Іс-шараның жүргізушілері жиналғандарға әлемде және Қазақстанда ядролық жарылыстардың пайда болу тарихы, Семей қаласындағы ядролық полигонды жабудың бастамашысы ретінде танылған Олжас Сүлейменов туралы және еліміздің бейбіт саясаты туралы айтып берді.
#гидқазақстанға #гидпоказахстану

Кері қарай