2024 жылдың 12 наурызында Л. Н. Толстой атындағы Қостанай облыстық әмбебап ғылыми кітапханасының абонементтер бөлімі «Бір ел – бір кітап» республикалық акциясы аясында ақын, сценарийші, публицист, жазушы Бердібек Ыдырысұлы Соқпақбаевтың туғанына 100 жыл толуына орай «Кітап-Amanat» мәдени-ағарту орталығында «Балалар әлемін таңғалдырған талант» атты әдеби кеш өткізді.
Іс-шараның қонағы болған филология профессоры К. Қ. Есіркепова жазушының өмірбаяны, шығармашылығы мен қызметі туралы айтып беріп, оның танымал шығармаларына егжей-тегжейлі тоқталды. Әдеби кеш барысында кітап көрмесі, таныстырылым, оның өмірі туралы бейнероликтер ұсынылды және әйгілі «Менің атым Қожа» фильмінен үзінді көрсетілді.
#гидқазақстанға #гидпоказахстану