23 қазанда кітапханаға «Өрлеу» біліктілікті арттыру ұлттық орталығы» АҚ Қостанай облысы бойынша Кәсіби даму институты» филиалының курсын тыңдаушылар келді. Қала мен облыстың мектепке дейінгі білім беру мекемелерінің педагог-тәрбиешілері үшін кітапхана бөлімдері бойынша экскурсия өткізілді. Кітапхана қызметкерлері кітапхананың құрылымы, кітап қорын пайдалану ережелері, кітап көрмелері мен тақырыптық сөрелер туралы айтып берді. Анықтама-іздеу аппаратымен таныстырып, аудио-бейнематериалдарды цифрландыру жұмысы туралы ақпарат берді. Кітапханаға түсіп жатқан жаңа басылымдармен және өткізілетін іс-шаралармен танысуға мүмкіндік беретін кітапхананың сайтына кіру ұсынылды.
#Гидқазақстанға #ГидПоКазахстану