«Нашар көретін және зағип мүгедектерді тифлотехникалық құралдармен жұмыс істеу дағдыларына (оның ішінде Брайль қарпімен оқу мен жазуды үйрету), сондай-ақ цифрлық, қаржылық және құқықтық сауаттылыққа оқыту қызметтері» әлеуметтік жобасы аясында «Мир нашими глазами» ҚБ төрағасы Сұлтанғалиева Дана Бекболатқызы «Л. Н. Толстой атындағы Қостанай ОӘҒК» КММ-нің көзі көрмейтін және нашар көретін азаматтармен жұмыс бөлімінің Рудный қ. филиалының оқырмандары үшін семинар өткізді.

Семинарға қатысушылар электронды құрылғылармен – ноутбуктермен, телефондармен, оқу машиналарымен жұмыс істеудің жаңа мүмкіндіктерімен танысты. Заманауи байланыс құралдары – электрондық пошта, әлеуметтік желілер, мессенджерлер және т. б. арқылы қарым-қатынас жасау бойынша білім алып, қажетті дағдылары игерді.

Зағип жандар әлеуметтенуге, қоғамға бейімделуге және жұмысқа орналасуға мүмкіндік беретін қаржылық және құқықтық сауаттылық туралы ақпарат алды.

#Гидқазақстанға #ГидПоКазахстану