2023 жылғы 1 қыркүйекте мемлекет басшысының Қазақстан халқына арнаған «Әділетті Қазақстанның экономикалық бағдары» атты жыл сайынғы Жолдауы шықты.
Абонементтер бөлімі 1-қабаттың фойесінде «Президент Жолдауы: өзгерістер мен нәтижелер» атты жаңартылған көрме-ақпаратты ұсынды. Бағдарламалық құжатта салалар бойынша алдағы саясаттың негізгі параметрлері нақты көрсетілген. Бұлар ауыл шаруашылығы, өнеркәсіп, инфрақұрылым, туризм және экономикамыздың басқа да негізгі салалары. Мемлекет басшысы өзінің биылғы үндеуінде азаматтардың өмірін жақсарту алдыңғы орынға шығарылатын мемлекеттің жаңа экономикалық моделін ұсынды. Елдің жаңа экономикалық бағытының айқындаушы қағидаттары әділеттілік, инклюзивтілік, прагматизм болмақ.
Көрмеде Жолдаудың екі тілдегі жарияланымы қойылған, сондай-ақ мерзімді басылымдарда жарық көрген мемлекеттің негізгі басымдықтары мен оның одан әрі даму бағытын көрсететін материалдар ұсынылған.