23 тамызда Әмбебап оқу залы қалалық мәдениет және демалыс саябағында өткен «Жазғы оқылым» әлеуметтік-мәдени акциясына қатысуды аяқтады.
Саябақта кітаппен жұмыс істеу кітапхананың жақсы дәстүрлерінің біріне айналды.
Қала тұрғындары мен қонақтары үшін бос уақытты кітаппен өткізудің, оны шығармашылықпен ұштастырудың – арасында шахмат пен дойбы ойнап, ой сергітудің тамаша мүмкіндігі ұсынылды.
Қазақстан тарихы мен мәдениеті бойынша кітаптар, қазақ фольклоры, бақ пен бақша өнімдерін өсіру бойынша практикалық құралдар, қазақ, орыс және ағылшын тілдеріндегі балалар әдебиеті оқырмандардың қызығушылығын тудырды.
Жаз да аяқталды. Кітап пен кітап оқу мәдениетін қалыптастыруға ықпал ететін жақсы кітаптардан қала тұрғындары жақсы да жылы әсер алды деп үміттенеміз.