14 тамызда кітапханаға «Өрлеу» біліктілікті арттыру ұлттық орталығы» акционерлік қоғамының Қостанай облысы бойынша Кәсіби даму институты» филиалының курс тыңдаушылары келді. Қала мен облыс мектептерінің мұғалімдері үшін кітапхана бөлімдері бойынша шолу экскурсиясы өткізілді, оның барысында келушілер кітапхананың құрылымымен, анықтамалық-іздеу аппаратымен, баспа жұмысымен, бөлімдердің кітап қорымен, еліміздің мерейтойлық күндеріне арналған кітап көрмелерімен, Сирек кітаптар мұражайындағы бірегей кітаптар коллекцияларымен және «Абай бұрышымен» таныстырылды.

Оқу жылының басталуы қарсаңында мұғалімдерге «Үшінші мыңжылдықтың білімі» атты кітап көрмесі ұсынылып, онда қойылған педагогикалық әдебиеттерге шолу жасалды.