Маусым айынан бастап Л. Н. Толстой атындағы Қостанай облыстық әмбебап ғылыми кітапханасы жазғы мектеп жанындағы лагерьлермен белсенді жұмыс істейді, түрлі іс-шаралар өткізеді.

7 тамыздан 11 тамызға дейін кітапханаға «KAZGUU SCHOOL» жекеменшік мектебі келді. Оларға кітапхана бойынша экскурсия ұйымдастырылды.

Өнер бөлімінде оларға сәндік-қолданбалы өнер бойынша: оригами, моншақтан, сабаннан әшекейлер жасау, бұйымдар тоқу, кесте тігу жайындағы әдебиеттер ұсынылды. Сондай-ақ олармен үстел ойындары ойнатылды, ең кішкентайлары түрлі фигуралар құрастырумен айналысты.  

Балалардың бос уақытын өткізу үшін  кітапханаға 500-687 телефон нөмірі бойынша жазылуға болатынын айта кеткен жөн.