17–21 шілде аралығында Америка бұрышы жазғы оқу аясында «Ғарышты игеру күні» тақырыбында ағылшын тіліндегі әдебиеттермен танысу апталығын өткізді.

Орталық саябаққа келген жас келушілер планеталар, метеориттер, галактикамыздың алыстағы жұлдыздары туралы кітаптарды оқыды.

Балалар ғарыштық телескоп арқылы жұлдыздарды қызығушылықпен тамашалады, ағылшын тілінде «Ізденімпаздарға арналған космос» атты квизге қатысып, «Сатурн 5» ғарыштық зымыран тасығышының көшірмесін жинады.

Ғарыш тақырыбын жалғастыра отырып, балалар 25 шілдеде жазғы лагерьде өтетін «Айдағы адам» деректі фильмін көруге тілек білдірді.