Қазақ ақыны, жазушы, аудармашы, композитор, тарихшы және философ Шәкәрім Құдайбердиевтің туғанына 165 жыл толуына орай «Шәкәрімнің кемеңгерлігі» атты безендірілмелі кітап көрмесі дайындалды.

Көрменің көрнекті жеріне ақынның атын шығарған әйгілі дастандары – «Қалқаман-Мамыр» мен «Еңлік-Кебек», оның өмірі мен шығармашылығы жайындағы әдебиеттер – Әбдіғазиұлы Б. «Шәкәрім әлемі», Сейсенұлы Д. «Шәкәрім», Абдрасилова Г. «Шәкәрім философиясы» қойылған. Сондай-ақ көрмеден жазушының қаламынан шыққан «Жол табалық ақылмен», «Қажыма, ойым, қажыма», «Өкінішті ғұмыр» кітаптарын көруге болады. Көрмені «Шәкәрімтану мәселелері» алты томдығы толықтыра түседі.