6 маусымда Л. Н. Толстой атындағы ҚОӘҒК өлкетану әдебиеттері бөлімі «Өнер керуені» жобасы аясында ақын, драматург, публицист Ақылбек Қожаұлы Шаяхметтің Әулиекөл ауданының Көктал және Науырзым ауданының Шолақсай ауылдарындағы оқырмандармен кездесуін ұйымдастырды. Аталған ауылдардың тұрғындары Ақылбек Қожаұлы бастаған «Өнер керуені» жобасының қатысушыларын қуана қарсы алды. Кездесу қызықты өтті. Кездесуге келген ауыл адамдары Ақылбек Қожаұлының шығармашылығы мен қызметіне шынайы қызығушылық танытты.