2023 жылдың 16 мамырында Л. Н. Толстой атындағы Қостанай облыстық әмбебап ғылыми кітапханасының абонементтер бөлімі жазушы, аудармашы, спорт журналисі Сейдахмет Бердіқұловтың туғанына 90 жыл толуына орай «Ұлтым деп соққан жүрегі» атты әдеби қонақжай өткізді.

Сейдахмет Бердіқұлов – Қазақстан спорт журналистері федерациясының бірінші өкілі. Әдеби қонақжайға қаланың оқу орындарының оқытушылары, БАҚ өкілдері қатысты.  Шақырылған қонақтар Сейдахмет Бердіқұловтың өмірбаяны мен жемісті шығармашылық және журналистік қызметі туралы әңгімеледі. Жазушының шығармашылығына қызығушылық танытқан студенттік аудитория қонақтарға сұрақтар қойып, кітап көрмесімен танысты.