Майн Ридтің әйгілі шытырман оқиғалы романдарының бірі ХІХ ғасырдың отызыншы жылдары Флоридада үнді тайпаларын күштеп қоныс аудару тарихына негізделген, бұл жеккөрушілік пен қатыгездік, махаббат пен достық жайындағы әңгіме. Аты аңызға айналған көсем Оцеола бастаған үндістер Америка әскерімен жан алып, жан беріскен шайқасқа шығады.

Романның басты кейіпкерлері – үндістердің ержүрек көсемі Оцеола мен жас плантатор Джордж Рандольф ерекше жағдайда дос болады.  Тәкаппар Оцеола өз халқы үшін, үндістердің өз жерлерінде өмір сүру құқығы үшін күреседі. Америка әскеріне шақырылған Джордж Рандольф үндістерге қарсы тұруға мәжбүр болғанына қарамастан, жас көсеммен арадағы достыққа адал болып қалады. Жастардың әрқайсысы алдау мен сатқындыққа тап болады, өлімнің аузында болады, жақындарынан айрылады, сонда да өз махаббаттары мен адал достарын табады.