26 сәуірде Л. Н. Толстой атындағы Қостанай облыстық әмбебап ғылыми кітапханасының абонементтер бөлімі Солтүстік Қазақстан облысының «Шал ақын ауданының орталықтандырылған кітапхана жүйесі» КММ АОК-мен бірлесе отырып суырып салма ақынның туғанына 275 жыл толуына арналған «Жырлары ұранға айналған ақын» атты онлайн оқуларын өткізді.

Іс-шарада Шал ақынның кітапхана қорында бар шығармалары көрсетіліп, кітапханашылар Шал ақын Құлекеұлы «Шығармалары. Зерттеулер», Шал ақын «Өлеңдері және әдеби зерттеулер» және басқа кітаптары туралы айтып берді. ЖОО студенттері суырып салма ақынның шығармашылығы бойынша өлеңдер оқыды.