15 сәуірде Өлкетану әдебиеттері бөлімінің әдеби-ақпараттық секторы Ғашықтар күніне – Қозы Көрпеш пен Баян сұлуға арналған «Жанымнан менің жырақтамашы...» атты әдеби-сазды кеш өткізді. Шығармашылықпен айналысушы жастар адал және шынайы махаббат сезімін дәріптейтін «Тақиялы періште» фильмінен үзінді сахналады. «Ақ қауырсын» клубының жазуды енді бастаған ақындары көптен бері халықтың аузында айтылып келе жатқан ғашықтар жайындағы аңыздарды айтып берді. Махаббат туралы лирикалық әндер орындалды, авторлық өлеңдер оқылды. Іс-шара қатысушыларға көктемге сай жақсы көңіл күй сыйлады.