Көзі көрмейтін және нашар көретін азаматтармен жұмыс бөлімі «Біздің кітапханадағы кітаптар» атты әдеби қонақжайдың алғашқы кездесуін өткізді.

Әдеби қонақжай әдебиеттің эстетикалық, ақпараттық, тәрбиелік міндеттері мен үйдегідей жылулықтың, сенімділіктің, қарым-қатынас еркіндігінің ерекше жағдайын біріктіреді. Кездесу тақырыптары мейлінше әртүрлі – қазіргі поэзия мен проза, атақты адамдардың шығармашылығы және тағы басқалар болмақ.

Бірінші кездесудің тақырыбы ақын, жазушы және аудармашы Мұқағали Мақатаевтың шығармашылығы болды. Іс-шара барысында ақынның өлеңдері оқылып, оның сөзіне жазылған әндер орындалды. Жағымды музыка мен жүзбе-жүз әңгіме көру қабілеті нашар адамдарға жақсы көңіл күй мен жағымды эмоциялар алуға мүмкіндік берді.