Әмбебап оқу залы көрнекті қолбасшы, Кеңес Одағының Батыры Иван Васильевич Панфиловтың туғанына 130 жыл толуына орай тақырыптық ұсынымдық тізім дайындады.

Әдебиеттердің ұсынымдық тізіміне кітапхана қорында бар кітаптар, кітаптарда, журналдар мен газеттерде жарияланған мақалалар кірген. Ұсынылған әдебиеттерде көрнекті әскери қолбасшының өмірбаяны мен жауынгерлік еңбегі көрсетілген. Панфилов кейін өзі басқарған 316-шы атқыштар дивизиясын құрумен айналысты. Дивизия Қазақ және Қырғыз КСР тұрғындары қатарынан әскерге шақырылғандар мен еріктілерден құрылды. Ол жетекшілік еткен осы дивизия 1941 жылдың қазан-қараша айларында Мәскеу маңында, Волоколамск бағытында жаудың өзінен бірнеше есе басым күштерімен ауыр қорғаныс шайқастарын жүргізді.

Осы шайқастардағы сәтті әрекеттері үшін және жеке құрамның жаппай ерлігі үшін 316-шы дивизия 1941 жылы 17 қарашада Қызыл Ту орденімен марапатталды.

Панфиловқа қайтыс болғаннан кейін Кеңес Одағының Батыры атағы берілді.