Құрметті оқырмандар! Әмбебап оқу залы назарыңызға «Денсаулық – табыстың кепілі» атты кітап көрмесін ұсынады.

Кітап көрмесінде А. Карр өзінің «Лёгкий способ бросить курить» жинақтарында сипаттайтын никотинге тәуелділікпен күресу әдістеріне көп көңіл бөлінеді. И. Г. Ураковтың «Наркомания: Мифы и действительность», Г. Кульчитскийдің «Ваш ребёнок. Как уберечь от наркотиков» кітаптары нашақорлық жайында жан-жақты түсінік береді. Олар бірінші кезекте жастар мен жасөспірімдер арасында осы бір әлеуметтік зұлымдықтың алдын алу жолдарын табуға көмектеседі. Қостанай қ. полицейлері жас ұрпақты есірткінің кез келген әсерінен қорғауға бағытталған шағын фильмдер түсірді. Оларға QR-коды бойынша өтуге болады.

Соңғы жылдары «қауіп тобына» жатпайтын адамдар АҚТҚ және ЖҚТБ жұқтырып алуда. В. П. Мали өзінің «ВИЧ/СПИД» кітабында инфекция көздерін, берілу жолдарын және осы аурулардың алдын алу жолдарын егжей-тегжейлі қарастырады.

Көрмеде денсаулықты сақтау, салауатты өмір салтын ұстану, жаман әдеттерден бас тарту және спортпен шұғылдану, әдемі және сымбатты болу жолдары туралы әдебиеттер ұсынылған.

Кітап көрмесі жыл бойы жұмыс істейді.