Құрметті оқырмандар, Әмбебап оқу залы назарларыңызға Қазақстан тәуелсіздігінің қалыптасу тарихы бойынша материалдар ұсынылған, ел тарихындағы маңызды оқиғалар туралы, мемлекеттің экономикалық, саяси және әлеуметтік даму жолдары туралы ақпарат берілген «Тәуелсіздік – Мәңгілік елдің тұғыры» атты виртуалды тарих сағатын ұсынады.

«Ұлттық идея – Тәуелсіздік тұғыры», «Тәуелсіздік толғауы», «Тәуелсіз Қазақстан: бейбітшіліктің, келісімінің және жасампаздықтың 30 жылы», «Тәуелсіз Қазақстанның саяси тарихы оқиғалар жылнамасы» кітаптарында қазақ мемлекеттілігінің нығаюы, қайта жаңғыруы, ата-бабаларымыз армандаған бостандық туралы айтылады.

Тәуелсіздік пен бостандық бізге оңай келген жоқ. Ал 1986 жылғы желтоқсандағы оқиғалар тәуелсіздіктің, азаттықтың, демократиялық жаңғырудың бастамасы болды. Қазір әр ұлт үшін Тәуелсіздік күні – тарихқа шолу жасауды талап ететін және өз еліне деген шынайы сүйіспеншілікті біріктіретін ерекше мереке.