Бірлесіп жұмыс істеу өз идеяларыңмен бөлісуге, командада өзгелермен бірлесіп жұмыс істеп үйренуге мүмкіндік береді. Л. Н. Толстой атындағы ҚОӘҒК әмбебап оқу залы Балалар жылы аясында Ы. Алтынсарин атындағы ДБМ Мұхтар Әуезовтің туғанына 125 жыл толуына арналған «Дәуірдің дара тұлғасы» әдеби кешіне кітап көрмесін ұйымдастыруды сұраған өтінішін қабыл алды.  Әдеби кеш және «Замана заңғары – Мұхтар Әуезов» кітап көрмесіне шолу іс-шараны ерекше ахуалға – кітапқа, көрнекті жазушының шығармашылығы мен өмірбаянына деген сүйіспеншілік пен қызығушылыққа толтырды.