«Бірігіңдер! Әйелдер мен қыздарға қатысты зорлық-зомбылықты тоқтату үшін белсенді болайық» ұранымен өтіп жатқан  «Гендерлік зорлық-зомбылыққа қарсы 16 күндік белсенді әрекет» жаһандық науқанын қолдау мақсатында және Халықаралық әйелдерге қатысты зорлық-зомбылықпен күрес күні аясында Абонементтер бөлімінде «Қазақстанның гендерлік саясаты – жаңа бағыт» атты кітап көрмесі жұмысын жалғастыруда.

Гендерлік теңдікке қол жеткізу және гендерлік теңсіздікке қарсы іс- қимыл Қазақстан үшін басты басымдықтардың бірі болып қала береді. Патрисия Эванстың «Не бьет, просто обижает: как распознать абьюзера, остановить вербальную агрессию и выбраться из токсичных отношений» кітабы психологиялық зорлық-зомбылықтың ең көп таралған түрі – ауызша агрессия жайында. Әйелді алдап-арбаудың күшті тәсілі эмоционалды бопсалау болып табылады.  Сюзан Форвардтың «Эмоциональный шантаж» кітабында бұл құбылыстың табиғаты талданады және одан шығудың және қалыпты өмірге оралудың оңтайлы әдістемесі ұсынылады. Әйелге қатысты зорлық-зомбылық – әлемдегі ең көп таралған адам құқығын бұзу. Марьям Алиеваның «Не молчи» кітабы зорлық-зомбылықтың барлық сұмдығын жәбірленушінің көзімен көруге және зорлық-зомбылық құрбаны кінәлі бола алмайтынын түсінуге мүмкіндік береді. 

Барлығыңызды Абонементтер бөлімінде 2022 ж. 30.12. дейін жұмыс істейтін кітап көрмесін тамашалауға шақырамыз.