Күзгі күнтізбеде жүрегің ризашылық сезіміне толатын, біреудің қамқорлығы мен жақсылығын есіңе алып, ризашылығыңды білдіргің және алғыс  айтқың келетін, біреуге ерекше көңіл бөліп, құрмет көрсеткің келетін күн бар – бұл Халықаралық қарттар күні.

 Қалыптасқан дәстүр бойынша Л. Н. Толстой ат. Қостанай ОӘҒК қызметкерлері өздерінің алдыңғы әріптестерін Халықаралық қарттар күнімен құттықтады, аға буынға деген алғысын білдіріп, құрмет көрсетті. Әріптестер үшін түрлі кезеңнен естеліктер келтірілген, билер мен караоке енгізілген мерекелік бағдарлама дайындалды.

Ардагерлер өз кезегінде көрсетілген құрметтің көңілдерін босатқанын атап өтіп, кітапхана ұжымына ізгі тілектерін білдірді.