19 қыркүйекте Л. Н. Толстой ат. Қостанай ОӘҒК өлкетану әдебиеттері бөлімі ҚИнЭУ Кәсіпкерлік колледжінде ақын, Қазақстан Республикасы мемлекеттік сыйлығының лауреаты Сырбай Мәуленовтің 100 жылдығына арналған «Сырбайдың сырлы әлемі» атты көшпелі іс-шара өткізді. Студенттер назарына Өлкетану әдебиеттері бөлімінің қорынан баспа материалдары ұсынылды.

Шараға қостанайлық ақын, журналист, ҚР Жазушылар одағының мүшесі Серікбай Оспанов қатысты. Ол Сырбай Мәуленовпен жүзбе-жүз кездескені туралы, оның өмірі мен шығармашылығы туралы айтып берді. Көрермендер Сырбай Мәуленовтің шығармаларын оқып, сұрақтар қойды, жазушының шығармашығына деген шынайы қызығушылықтарын танытты.