26 тамыз күні «Ертіс пен Тобыл арасы» әдеби жобасы аясында Л. Н. Толстой ат. Қостанай ОӘҒК С.Торайғыров ат. Павлодар ОӘҒК бірлесе отырып ағартушы, ғалым және қоғам қайраткері Ахмет Байтұрсынұлының туғанына 150 жыл толуына арналған «Ұлтын ұлықтаған ұлы тұлға» атты онлайн кездесу өткізді.

Іс-шараға белгілі қостанайлық өлкетанушы және ахметтанушы Ибрагим Ағытаев пен Қазақстан Жазушылар одағының мүшесі Абылай Мауданов қатысты. Олар өз сөздерінде біздің көрнекті жерлесіміздің өмірі мен қызметі, оның мұрасының өзектілігі туралы, сондай-ақ Ахмет Байтұрсынұлының есімімен байланысты естелік орындар бойынша жақында өткен «Ақаң жүріп өткен жолмен» ғылыми экспедициясының нәтижелері туралы егжей-тегжейлі айтып берді.