Әмбебап оқу залы оқырмандар назарына «Конституция – бейбітшілік пен келісімнің кепілі» көрме-сұхбатын ұсынады.

Көрмеге Қостанай облысы әкімдігі мәдениет басқармасының «Қостанай облыстық тарихи-өлкетану мұражайы» ММ қазақ және орыс тілдерінде ұсынған «Қазақстан Республикасы Конституциясының негізгі ережелерін түсіндіру бойынша өткізілетін тамыз оқуларының секция мәжілісінің», «Президент – символ и гарант незыблемости Конституции Республики Казахстан» халықаралық дөңгелек үстелінің материалдары қойылған. Дөңгелек үстелдің жұмысына қазақстандық және шетелдік ғалымдар мен сарапшылар қатысты. Жинақта дөңгелек үстелге қатысушылардың сөйлеген сөздерінің мәтіндері берілген. Р.У.Булекбаеваның «Конституционно-правовые пределы регулирования экономических отношений в Республике Казахстан» атты кітабында Конституцияның экономиканың және кәсіпкерліктің қарқынды дамуына жол ашатыны немесе экономиканың дамуын тежейтін тосқауылдар қоюы мүмкін екендігі атап өтілген. Осы және басқа кітаптар оқытушылар мен студенттер және көптеген өзге де оқырмандар үшін пайдалы болуы мүмкін.