2022 жылы 15 шілдеде Л. Н. Толстой ат. ҚОӘҒК кітапханаларды дамыту бөлімі Жангелді ОКЖ бірлесіп Жангелді орталық аудандық кітапханасының базасында кітапханалардың библиографиялық қызметіне арналған «Цифрлық байланыс дәуіріндегі библиографиялық инновациялар» атты аймақтық семинар өткізді.

Амангелді, Денисов, Жангелді, Науырзым, Арқалық қалалық, Л. Н. Толстой ат. ОӘҒК мен Арқалық қаласының №2 ОӘҒК библиографтары цифрлық дәуірдегі библиографтың жұмыс тәжірибесімен бөлісіп, кітапханалардың электрондық сандық ресурстары, библиографиялық қызметтің стратегиясы мен тактикасы туралы айтты.

Семинар соңында Жангелді ОКЖ әріптестеріне ҚР Ұлттық кітапханасының (Алматы қ.) төсбелгілері және Л. Н. Толстой ат. ОӘҒК атынан алғыс хатты табысталды.