Әмбебап оқу залы 20 ғасырдың көрнекті ақындарының бірі, публицист және аудармашы, ән жазушы және әлем тілдеріне аударылған елуден астам кітаптардың авторы, деректі фильмдердің сценарийшісі Роберт Рождественскийдің туғанына 90 жыл толуына арналған «…Я пролетаю над временем…» атты портрет кешін өткізді.

Іс-шара Қостанай облысы әкімдігінің жұмыспен қамтуды үйлестіру және әлеуметтік бағдарламалар басқармасының «Мүгедектерге арналған Қостанай облыстық оңалту орталығы» коммуналдық мемлекеттік мекемесінде өтті. Шараны жүргізушілер тыңдаушыларға әдебиет пен музыкалық шығармаларда жарқын із қалдырған ақынның өмірі мен шығармашылығы туралы айтып берді.

Әңгіме мультимедиялық таныстырылыммен сүйемелденді. Іс-шарада Роберт Рождественскийдің өлеңдеріне жазылған бірқатар музыкалық композициялар орындалды. Шара аттас кітап көрмесі іс-шараның мазмұнын толықтыра түсті.