3 мамырда Өлкетану әдебиеттері бөлімі Қостанай қ. № 21 жалпы білім беретін мектебінде «Леонид Беда: жизнь, отданная небу и Отчеству» атты отаншылдық сабақ өткізді.

Сабақ жерлесіміз – Ұлы Отан соғысына қатысушы, екі мәрте Кеңес Одағының Батыры, КСРО еңбек сіңірген әскери ұшқышы, авиация генерал-лейтенанты Леонид Игнатьевич Беданы еске алуға арналды. Шараға жиналғандар ұлы Жеңістің жалпыхалықтық ісіне өлшеусіз үлес қосқан қостанайлық жауынгерді бір минут үнсіздікпен еске алды.

Іс-шара бейнероликпен сүйемелденді, кітап көрмесі ұсынылды. Іс-шараға «Родина подвига – Родине героя» халықаралық еске алу және алғыс айту эстафетасының бастамашысы және үйлестірушісі Ужанов Александр Евгеньевич,  ММХҚИ доценті (Мәскеу қ.), Лида қаласының 116-шы гвардиялық шабуыл авиациялық базасының подполковнигі (Беларусь Республикасы) Эдуард  Николаевич Жмакин қатысты.

Бізге тек соғыс пен тыл батырлары туралы жарқын естеліктерді сақтау, олардың ерліктеріне лайық болуға тырысу ғана қалады.