17 наурызда Көзі көрмейтін және нашар көретін азаматтармен жұмыс бөлімінің қызметкерлері Наурыз мерекесі қарсаңында Қостанай облысы әкімдігінің жұмыспен қамтуды үйлестіру және әлеуметтік бағдарламалар басқармасының «Дружба» ҚОМОО» МКҚК-да «Наурыз – көктем мерекесі» атты көшпелі танымдық-музыкалық бағдарламасын өткізді.

          Қазақтың әдет-ғұрпы бойынша іс-шара шашу шашудан, бауырсақ таратудан басталды, түрлі тағамға толы мол дастархан мен осы мерекенің басты тағамы – наурыз көже мерекеге ерекше сән берді.

         «Наурыз – көктем мерекесі» кітап көрмесінің бейнешолуы дайындалды. Онда жер бетіндегі ең көне мерекелердің бірі жайындағы кітаптар қойылды.

           Іс-шараға қатысушылар жүргізушілердің әңгімесінен Қазақстанда ғана емес, Азияның басқа да елдерінде: Кореяда, Қытайда, Жапонияда Наурызды тойлаудың салт-дәстүрлері туралы білді. Олар Наурыз мерекесіне арналған ойындар мен сайыстарға қатысты. ҚСҚ белсенділер өлең оқып, ән айтты. Іс-шара соңында қонақтар «бата» беріп, іс-шараны ұйымдастырушыларға алғыс білдірді. Барлық тілек білдірушілер қазақтың ұлттық тағамдарынан дәм татты.