17 наурыз күні Ыбырай Алтынсариннің Қостанай облыстық мемориалдық мұражайында «Еңбегі ерен ер Елдес» атты ғылыми-танымдық кеш өтті.

Кітапхананың өлкетану әдебиеттері бөлімі көрнекті қоғам қайраткері, ғалым, педагог Елдес Омаровтың туғанына 130 жыл толуына арналған «Елдес жолы – ұрпаққа үлгі» атты кітап көрмесін ұйымдастырды. Экспозицияда қазақ халқының даңқты ұлының өмірі мен қызметі туралы баяндайтын кітаптар, газет мақалалары ұсынылды. Ұсынылған материалдардың ішінен Елдес Омаровтың қазақ тіліндегі үш томдық және екі томдық шығармалар жинағы сияқты басылымдар ерекше қызығушылық тудырды.