Абонементтер бөлімінің қызметкерлері «„Озат“ ақпараттық технологиялардың мамандандырылған мектеп-лицей-интернаты» КММ-де Қазақстан Республикасының Мемлекеттік рәміздерінің бекітілгеніне 30 жыл толуын мерекелеу аясында «Қазақстан Республикасының Мемлекеттік рәміздері – Тәуелсіздіктің қасиетті нышандары» атты тарихи сағат өткізді.

Іс-шара барысында оқушылар мемлекеттік рәміздердің құрылу тарихымен танысты. Бөлім қызметкерлері мемлекетіміздің мемлекеттік рәміздерінің, егемендігіміздің мызғымастығы туралы, сондай-ақ олардың Отанымыздың тәуелсіздігін білдіретін қасиетті нышандар екендігі туралы айтып берді. Іс-шара соңында республиканың мемлекеттік рәміздерінің жасалуы туралы бейнефильм көрсетіліп, осы тақырып бойынша кітаптарға шолу жасалды.