Өлкетану әдебиеттері бөлімі «Кинематограф Казахстана: историческая ретроспектива» атты кітаптың тұсаукесерін өткізді. Іс-шараның қонақтары Қостанай қаласының және Қостанай облысының мектеп оқушылары мен ЖОО студенттері болды.

Кітап авторы Ибраев Ерден Ерназарұлы – қауымдастырылған  профессор, тарих мамандығы бойынша PhD докторы, А. Байтұрсынұлы ат. ҚӨУ оқытушысы, Қостанай облысы меценаттар клубының «Мәдени мұра» номинациясы бойынша «Қазына» сыйлығының лауреаты (2018 ж.). Сыйлыққа үміткер ретінде ол Қазақстан кинематографының тарихы бойынша жазылған осы жұмысты ұсынды.

Бұл кітап ғылыми проза жанрына жатады. Онда кеңестік және қазіргі кезеңдегі отандық кинодағы Қазақстан мен қазақстандықтардың көркем бейнелері зерттеледі. Монографияда киноленталарды тарихи дереккөздер ретінде зерттеу әдісі қолданылады.